من زمان وانا دايما مش بفضل الـ frameworks بشكل عام على الرغم من فوائدها..

من ضمن المشاكل اللى كنت شايف ان frameworks بتسببها انها مش بتعلمك حاجه
وساوت بين الـ specialists وغيرهم بمعنى أن شويه instruction و syntax مكتوبين
فى doc اى حد بيعرف يقرا وصبور يقدر يتبعها ويطلع output شكله جميل خلال ساعات
من غير مايكون حتى عنده ادنى فكره عن الـ fundamentals والـ infrastructure
أو على الاقل انه يبقى فاهم هو كتب ايه وليه!

السبب التانى انا شايف انها صعبت الـ selection process على بعض الـ recruiters
فى تحديد مهارة الشخص الحقيقية.

السبب الثالث ان على الرغم من ان اغلب الـ frameworks بتوفر solutions محترمه
من caching وغيرها من الحلول لرفع الكفاءة بس بيظل هناك إمكانية الوصول لكفاءة أعلى
ودا اللى بيخلى شركة منافسة تكتسح شركه ممكن تكون هي صاحبه الفكره الاصليه.
(طبعا فى عوامل تانية بس انا بتكلم من الجانب التقني)

السبب الرابع مطروح فى الفيديو..

انا مش ضد الـ frameworks لأن اختيارها فى بعض المواقف بيبقى هو الاختيار الأنسب.
وضد انك تخترع العجلة من اول وجديد.
بس فى نفس الوقت انا مع اى حاجه لمصلحة الـ performance.
فانا شايف ان الاختيار لازم يكون بحكمه.
خاصه اصحاب الـ startups الحاجه اللى بتتبنى صح من الاول بتفرق كتير جدا قدام.

“Premature optimization is the root of all evil”
donald knuth –


هدفى من نشر البوست دا فى الحقيقه مش الجزء ال technical , هدفى اوضح حاجه تانيه

بعض الناس لما تعرض وجهة نظرها فى حاجه على سبيل المثال شخص بيستخدم تقنيه او اطار معين
فا شايف أنها أفضل حاجه اتوجدت!
المهم طالما انا مبسوط بحاجة تبقى هى أفضل وأصح وانسب حاجه ودا طبعا غلط

لو لاحظت فى الفيديو لما العبقرى rasmus سألوه عن رأيه فى حاجه متعلقه بلغه هو اللى مصممها
من الطبيعى انه يتفق ويقول انها كويسه او على الاقل مش يهاجمها بالشكل دا
خاصه لما تبقى الحاجه دى ليها دور كبير في شعبية لغته.. بس لانه راجل محترف بمعنى الكلمه
وعارف أهمية الـ performance ..

قال راي صادق وكان ضدها مش من باب الاعتراض وخلاص لا وضح وجهة نظره
والأسباب(بناء على خبرة حقيقة). مش بس عرض الأسباب وشكرا
لا كمان طرح فى اقل من دقيقه حل عبقرى بمثابة concept ونقله كبيره لكيانات كتير.

بحترم العقول اللى زى دى جدا.. عشان كده الناس دى الافكار
و الoutputs اللى بتطلع منهم بتبقى أقرب للمثالية ويعتمد عليها فعلا.

مش المهازل اللى بنسمعها و نشوفها كل يوم : )

Facebook Comments
Last modified: September 9, 2019